Կոպենհագենում կայացավ Հայաստան-Դանիա տեխնոլոգիական համագործակցության ֆորումը
- 5 days ago
- 1 min read
Փետրվարի 26, 2026, Կոպենհագեն
2026թ. փետրվարի 26-ին «Արահետ» տնտեսական զարգացման և բիզնեսի աջակցության կազմակերպության և Դանիայի արդյունաբերական ասոցիացիայի համատեղ ջանքերով Կոպենհագենում կայացավ Հայաստան-Դանիա տեխնոլոգիական համագործակցության ֆորումը, որին մասնակցում էին հայկական և դաիական տեխնոլոգիական ընկերություններ, դիվանագիտական առաքելությունների ներկայացուցիչներ, ինչպես նաև ոլորտի մասնագետներ։
Առաջին անգամ հայկական տեխնոլոգիական պատվիրակությունը ներկայացրեց իր նորարարական կարողությունները և համագործակցության հետաքրքրություն հայտնեց՝ ներկայացնելով Հայաստանում արագ զարգացող տեխնոլոգիական ներուժը։ Ներածական մասից և կլոր սեղանի քննարկումից հետո ընկերություններն անհատական հանդիպումներ անցկացրին՝ ցուցադրելով իրենց տեխնոլոգիական լուծումներն ու ինժեներական կարողությունները։
Դանիացի գործընկերները ջերմորեն ընդունեցին հայկական պատվիրակությունը և հետաքրքրություն հայտնեցին ներկայացված լուծումների նկատմամբ։ Նրանք նաև վճռականություն հայտնեցին երկկողմ հարաբերությունները խորացնելու ուղղությամբ։ Դանիայի ներկայացուցիչներն ընդգծեցին երկու էկոհամակարգերի փոխլրացնող բնույթը և հայտնեցին իրենց պատրաստակամությունը մոտ ապագայում համագործակցության կոնկրետ ուղիներ ուսումնասիրելու համար։
Ֆորումը նշանավորեց հայ նորարարների և նրանց դանիացի գործընկերների միջև բովանդակալից երկխոսության սկիզբը՝ բացելով երկու երկրների միջև բարձր տեխնոլոգիաների ոլորտում համագործակցության նոր ուղիներ։
«Արահետն»-ն իր խորին երախտագիտությունն է հայտնում Թբիլիսիում գտնվող Հայաստանում Դանիայի դեսպանատանը՝ այս նախաձեռնության կազմակերպման և իրականացման ողջ ընթացքում ցուցաբերած անգնահատելի աջակցության համար։
Comments