Մենք հիմնադրեցինք «Արահետը» մի պարզ, բայց համարձակ գաղափարով, որ հայկական փոքր ու միջին բիզնեսները պետք է ոչ միայն գոյատևեն տեղական շուկայում, այլ զարգանան՝ ընդլայնելով իրենց ներկայությունը եվրոպական շուկաներում։ 

 

Փոքր և միջին բիզնեսների արտահանման հնարավորությունների վերաբերյալ մեր հետազոտությունն իրականացնելիս՝ մենք ականատես ենք եղել, թե որքան ստեղծարար, տոկուն ու բանիմաց են մեր արտադրողները։ Խնդիրը հաճախ ոչ թե նրանց կարողություններն են, այլ տեղեկատվության, ներդրումների, շուկաների ու կապերի հասանելիությունը։ «Արահետի» առաքելությունն այս բացը լրացնելն է։ 

​

Ինչու՞ «Արահետ»։ Անվան ընտրությունը բնավ պատահական չէ, մեր գործունեությամբ մենք կերտում ենք մի ճանապարհ, որը կառուցված է վստահության վրա։ Այն ձևավորվում է համագործակցությամբ և համոզմունքով, որ տնտեսական զարգացումը կարող է արդար և կայուն լինել։ 

​

Մենք այստեղ ենք՝ հաստատելու գործարար կապեր, լսելու հայկական արտադրողներին և մեր կարողությունների ներածին չափով օգնելու նրանց դուրս գալ եվրոպական շուկաներ։ Եթե դուք արտադրող եք, ով ցանկանում է ընդլայնվել կամ պարզապես կիսում եք մեր տեսլականը և ցանկանում եք համագործակցել, ուրախ կլինենք ձեզ հետ անցնել այս ճանապարհը։ 

​

Սա դեռ սկիզբն է։ Միասին հնարավոր է անել ավելին։